Кыргызстанда коомдук тамактануу тармагында соода жүгүртүү 28,7 млрд сомду түздү
Кыргызстанда коомдук тамактануу тармагы туруктуу өсүштү көрсөттү. Улуттук статистика комитетинин маалыматына ылайык, 2026-жылдын январь-июль айларында ресторандар, барлар жана тамак-аш жеткирүү кызматтарынын жүгүртүүсү 28 млрд 714,6 млн сомду түзүп, былтыркы жылдын ушул мезгилине салыштырмалуу 8,3% өскөн.
2026-жылдын алгачкы жети айында Кыргызстандагы мейманканалар жана ресторандар көрсөткөн кызматтардын жалпы көлөмү 34 млрд 171,9 млн сомго жетти. Бул 2025-жылдын январь–июль айларына салыштырмалуу реалдуу көрсөткүчтө 9,3% көп.
Эң жогорку өсүш мейманкана жана кыска мөөнөттүү жайгаштыруу секторунда катталды – кызмат көрсөтүүлөрдүн көлөмү 15,6% өсүп, 5 млрд 457,3 млн сомду түздү.
2026-жылдын июль айында гана мейманканалар 1 млрд 399,8 млн сомдук кызмат көрсөтүшкөн. Бул былтыркы жылдын июль айына караганда 6,9% көп.
Аймактар боюнча Бишкек шаары алдыда. Борбор калаага рыноктун 60,8% туура келип, кызмат көрсөтүүлөрдүн көлөмү 20 млрд 791,5 млн сомду түзгөн. Өсүш 7,5% болду.
Мейманкана жана ресторан кызматтарынын өсүшү Ысык-Көл облусунда да жогору болуп, 24,6% түздү (1 млрд 283,8 млн сом). Чүй облусунда бул көрсөткүч 20,2% өсүп, кызмат көрсөтүүлөрдүн көлөмү 2 млрд 865,2 млн сомго жетти.
