Нарын облусунда инвестициялык долбоорлорго басым жасалууда
Нарын облусунун башчысынын биринчи орун басары Эркинбек Чекирбаев райондордун акимдеринин биринчи орун басарлары жана Инвестициялар боюнча улуттук агенттиктин өкүлдөрү менен жолугушту.
Президенттин Нарын облусундагы өкүлчүлүгүнүн маалыматына ылайык, жолугушууда аймактагы инвестициялык долбоорлордун ишке ашырылышы, өздөштүрүлгөн инвестициялардын көлөмү жана учурдагы абалы каралды.
Ошондой эле долбоорлорду ишке ашыруудагы көйгөйлөр, аларды илгерилетүү жана жергиликтүү деңгээлде колдоону күчөтүү маселелери талкууланды.
Жолугушууга Инвестициялар боюнча улуттук агенттиктин жана Мамлекеттик-жеке өнөктөштүк борборунун өкүлдөрү катышты.
