Ак-Суу жана Түптөгү инвестициялык долбоорлорго мониторинг жүргүзүлдү
Ысык-Көл облусунда ишке ашырылып жаткан бир катар инвестициялык долбоорлорго мониторинг жүргүзүлдү. Бул тууралуу Инвестициялар боюнча улуттук агенттик билдирди.
Жумушчу сапардын алкагында агенттиктин өкүлдөрү райондук мамлекеттик администрациялардын жетекчилери жана инвесторлор менен биргеликте инвестициялык объекттердин учурдагы абалы менен таанышты.
Атап айтканда, Ак-Суу районунда калдыктарды утилдештирүү долбоору, ал эми Түп районунда "Курментыцемент" цемент заводун куруу долбоору текшерилди.
Мониторинг учурунда долбоорлордун ишке ашырылышы, учурдагы маселелер жана аларды чечүүдө мамлекеттик органдар менен инвесторлордун мындан аркы кызматташуусу талкууланды.
Агенттиктин маалыматына ылайык, мониторинг инвесторлорду коштоо жана инвестициялык долбоорлорду ишке ашыруу үчүн жагымдуу шарттарды түзүүгө багытталган.
