"Кыргызалтындын" таза кирешеси алты айда 33 млрд сомго жетти
Үстүбүздөгү жылдын биринчи жарым жылдыгында "Кыргызалтын" ААКнын таза кирешеси 33 млрд сомду түздү. Бул тууралуу компаниядан билдиришти.
Көрсөткүч 2025-жылдын ушул мезгилине салыштырмалуу дээрлик эки эсеге өскөн. Ошондой эле ал компаниянын 2025-жылдагы жалпы таза кирешесинен 1,8 эсеге көп.
2025-жылдын жыйынтыгында "Кыргызалтындын" таза кирешеси 18,7 млрд сом болгон. Демек, быйыл алты айда эле компания былтыркы жылдык көрсөткүчтөн 14,3 млрд сомго көп киреше тапты.
Компания финансылык көрсөткүчтөрдүн өсүшү жаңы инвестициялык долбоорлорду ишке ашырууга, өндүрүштүк кубаттуулуктарды кеңейтүүгө жана кендерди өздөштүрүүгө кошумча мүмкүнчүлүк түзөрүн белгиледи.
Алдыдагы үч жылда "Кыргызалтын" жалпы наркы 1 млрд доллардан ашкан стратегиялык долбоорлорду ишке ашырууну пландап жатат. Алардын арасында Үңкүр-Таш, Тоголок, Чакуш, Талды-Булак жана Андаш кендерин өздөштүрүү долбоорлору бар.
