Кыргызстан жыл башынан бери 9,3 миң тоннадан ашык кант экспорттоду
2026-жылы Кыргызстандан 9 357,3 тонна кант экспорттолду. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Маалыматка ылайык, быйыл өлкө боюнча 11 800 гектар жерге кант кызылчасы айдалган. Кант кызылчасын өстүрүү жана кант өндүрүшүн өнүктүрүү өлкөнүн азык-түлүк коопсуздугун камсыз кылууга, кайра иштетүү тармагынын туруктуу иштешине жана экспорттук мүмкүнчүлүктөрдү кеңейтүүгө багытталган.
Учурда кант кызылчасынын түшүмдүүлүгүн жогорулатуу, заманбап агротехнологияларды колдонуу, ошондой эле дыйкандар менен кайра иштетүүчү ишканалардын кызматташуусун күчөтүү боюнча иштер жүргүзүлүүдө.
Министрлик айыл чарба продукциясын өндүрүүнүн көлөмүн көбөйтүү, кайра иштетүү тармагын өнүктүрүү жана ата мекендик продукцияны тышкы рынокторго чыгаруу боюнча иштер уланып жатканын белгиледи.
