Сокулук айыл өкмөтүнүн казынасына 91,1 млн сом түштү
Сокулук айыл өкмөтүндө 2026- жылдын биринчи жарым жылдыгында социалдык-экономикалык өнүгүүгө багытталган бир катар иштер аткарылды.
Жергиликтүү бюджеттин киреше планы 146,7%га аткарылып, казынага 91,1 млн сом түштү. Бул тууралуу Сокулук айыл өкмөтүнөн кабарлашты.
Сокулук айыл өкмөтү башчысы Р.Иштыбаевдин маалыматына караганда , түшкөн каражаттын негизги бөлүгү салыктык кирешелерден түзүлдү. Салыктык киреше 90, 2 млн сомду түзүп , план 127, 6%га аткарылган. Салыктык эмес кирешелерден 2,9 млн сом чогулду.
Аймакта жол инфраструктурасын жакшыртууга өзгөчө көңүл бурулган. Жалпысынан көчөлөргө асфалть төшөө жана тротуарларды курууга 51,8 млн сом багытталган. Ошондой эле 2 чакырым аралык жол ондолуп, шагыл төшөлдү.
Жөө жүргүнчүлөр үчүн жаңы тротуарлар салынып , жол кыймылынын коопсуздугун камсыздоо максатында бир катар көчөлөргө жасалма жол тосмолору орнотулду.
