Өлкөнү күйүүчү май менен үзгүлтүксүз камсыздоо маселеси талкууланды
Президенттин Администрациясында өлкөнүн ички рыногун күйүүчү-майлоочу материалдар менен камсыздоо маселелери боюнча жыйын өттү. Бул тууралуу Өкмөттүн басма сөз кызматынан билдиришти.
Жыйынга Министрлер Кабинетинин төрагасынын биринчи орун басары Данияр Амангелдиев, Министрлер Кабинетинин төрагасынын орун басары Эрлист Акунбеков, тиешелүү мамлекеттик органдардын жетекчилери жана мунай ташуучу компаниялардын өкүлдөрү катышты.
Анда өлкөнү күйүүчү-майлоочу материалдар менен үзгүлтүксүз камсыз кылуу, мунай заттарынын рыноктук баасын турукташтыруу жана экономикалык коопсуздукту камсыздоо боюнча көрүлүп жаткан чаралар талкууланды.
Ошондой эле улуттук экономиканын субъекттерине мамлекеттик колдоо көрсөтүү багытында Министрлер Кабинети тарабынан аткарылып жаткан иштер каралды.
Жыйындын жыйынтыгында тиешелүү мамлекеттик органдарга жана жооптуу тараптарга бир катар тапшырмалар берилди.
