КРнын 2027-жылга жана 2028–2029-жылдардын республикалык бюджети жөнүндө коомдук угуулар болот
Кыргыз Республикасынын Финансы министрлиги Кыргыз Республикасынын Бюджеттик кодексинин 71 жана 127-беренелерине ылайык республикалык бюджеттин долбоору боюнча коомдук бюджеттик угууларды уюштурат жана өткөрөт. Бул тууралуу аталган мекеменин басма сөз кызматынан кабарлашты.
Коомдук бюджеттик угуулар - бул коомдук пикирди изилдөө, сунуштарды жана сунуштамаларды алуу, ошондой эле калктын кызыкчылыктарын эске алуу менен чечимдерди кабыл алуу максатында аткаруу бийлик органдарынын жана жергиликтүү өз алдынча башкаруу органдарынын демилгеси боюнча өткөрүлүүчү Кыргыз Республикасынын бюджеттик тутумунун бюджеттерин түзүү жана аткаруу маселелерин ачык талкуулоо формасындагы иш-чара.
Ушуга байланыштуу Финансы министрлиги 2026-жылдын 16-сентябрында саат 10:30да Кыргыз Республикасынын Финансы министрлигинин Чоң залында өтө турган “КРнын 2027-жылга жана 2028–2029-жылдардын пландык мезгилине республикалык бюджети жөнүндө” КРнын Мыйзамынын долбоору боюнча коомдук бюджеттик угууларга катышууга чакырып жатат.
Суроолор боюнча төмөнкү байланыш номурларына кайрылууга болот: 3012 - 62-53-13 (+1122); +996 221 815 595; 312 - 62-53-13 (+1122); +996 709 787 795; 312 - 62-53-13 (+1132); +996 997 888 890; 312 - 62-53-13 (+1124); +996 506 159 510;
Ал эми катышуу үчүн төмөнкү форма боюнча өтүнмөнү толтуруу сунушталат: https://www.minfin.kg/posts/show/obschestvennye-byudzhetnye-slushaniya-po-proektu-zakona-4
