Экономика

Бишкек ЖЭБине көмүр жеткирүү үчүн 519,9 млн сомдук сатып алуу жарыяланды

Ишкер Media

Бишкек ЖЭБине көмүр жеткирүү үчүн 519,9 млн сомдук сатып алуу жарыяланды

“Строй-Стоун”  ЖЧКсы Агулак кенинен Балыкчыга, андан ары Бишкек ЖЭБине 150 миң тонна көмүр ташуу кызматын сатып алууга тендер жарыялады. Кызматтын болжолдуу баасы кыйыр салыктарды кошкондо 519,9 млн сомду түзөт.

Техникалык тапшырмага ылайык, көмүрдү ташуу 2026-жылдын октябрынан 2027-жылдын мартына чейин жүргүзүлөт. Ай сайын 25 миң тоннадан жеткирилет.

Кызматтын наркы бир нече бөлүктөн турат. Агулак кенинен Балыкчыга чейинки 478,4 чакырым аралыкка көмүр ташуунун тарифи тонна-километрине - 4,20 сом деп белгиленген. Бул бөлүктүн жалпы баасы салыктарды эсепке албаганда 301,4 млн сом болот. Мындан тышкары, Рыбачье станциясынан Аламедин станциясына чейин 150 миң тонна көмүрдү темир жол аркылуу ташууга - 128,3 млн сом, ал эми Балыкчы станциясындагы жүктөө-түшүрүү иштерине - 48 млн сом каралган. КНС жана башка салыктар кошулгандан кийин келишимдин жалпы суммасы - 519,9 млн сомго жетет.

Тендерге катышкан компанияларга бир катар талаптар коюлган. Алар:

  • жүк көтөрүмдүүлүгү кеминде 28 тонна болгон 25тен кем эмес жүк ташуучу унаасы болушу же аларды ижарага алуу мүмкүнчүлүгү;
  • 2024–2025-жылдары жалпы суммасы кеминде 519 млн сом болгон кеминде эки окшош келишимди толук аткарган тажрыйбасы;
  • кеминде 10 млн сом жүгүртүү каражаты;
  • жетекчи жана негизги кызматкерлердин ушул сыяктуу кызматтарды көрсөтүүдө кеминде үч жылдык тажрыйбасы;
  • салык органдарына жана Социалдык фондго карызынын жоктугу.

Арыздар 2026-жылдын 15-сентябрына чейин кабыл алынат. Тендердик өтүнмөнүн кепилдик камсыздоосу келишимдин суммасынын 2 %, ал эми жеңүүчү келишимди аткарууну камсыз кылуу үчүн анын суммасынын 5 % берүүгө тийиш.

Келишимде аванс каралган эмес. Төлөм кызмат көрсөтүлүп, кабыл алынгандан кийин, каржылоого жараша жүргүзүлөт. Көмүрдү белгиленген графиктен кечиктирип ташыган учурда, жеткирилбей калган көлөмдүн наркынан ар бир кечиктирилген күн үчүн 0,05% өлчөмүндө туум эсептелет. Бирок анын жалпы көлөмү келишимдин суммасынын 5 пайызынан ашпоого тийиш.

Жаңылыктар биздин Телеграмм каналда

Мындан тышкары окуңуз

Медициналык ишмердүүлүктү лицензиялоо санариптик форматка өткөрүлдү

Медициналык ишмердүүлүктү лицензиялоо санариптик форматка өткөрүлдү

Кыргызстанда медициналык жана фармацевтикалык ишмердүүлүктү лицензиялоо процессин жөнөкөйлөтүү жана санариптештирүү боюнча реформа аяктады. Бул тууралуу Саламаттыкты сактоо министрлигинен маалымдашты. Билдирүүгө караганда, реформанын алкагында мамлекеттик маалыматтык системалар менен интеграцияланган “Саламаттык сактоо тармагында лицензиялоо” маалыматтык системасы иштелип чыгып, өнөр жайлык эксплуатацияга киргизилди. Эми өлкөнүн каалаган аймагындагы ишкерлер Саламаттык сактоо министрлигине жек
Жогорку Кеңеште санариптешкен заманбап музей жана жыйындар залдары ачылды

Жогорку Кеңеште санариптешкен заманбап музей жана жыйындар залдары ачылды

Бүгүн, Президент Садыр Жапаров менен Жогорку Кеңештин Төрагасы Марлен Маматалиевдин катышуусунда парламенттеги санариптешкен заманбап музей менен жаңыланган жыйындар залдары ишке киргизилди. Жогорку Кеңештин басма сөз кызматынан билдиргендей, аталган залдар толугу менен санариптик форматта иш алып барууга ыңгайлаштырылган. Айрыкча жергиликтүү өз алдынча башкаруу органдарынын өкүлдөрүнүн онлайн катышуусуна керектүү шарттар түзүлгөн. Бул
Садыр Жапаров: Акыркы төрт жылда экономика орточо 10,2% өстү

Садыр Жапаров: Акыркы төрт жылда экономика орточо 10,2% өстү

Өлкө башчы Садыр Жапаров бүгүн Жогорку Кеңештин жыйыныда Министрлер Кабинетинин айрым мүчөлөрүнүн ант берүү аземинде катышып, коомчулукка кайрылып, сөз сүйлөдү.  Өз сөзүндө ал акыркы жылдары Кыргызстан өнүгүүнүн жаңы этабына чыкканын белгилеп, экономика, инфраструктура, энергетика, айыл чарба, транспорт жана логистика тармактарындагы ийгиликтүү иштерге токтолду. Жапаровдун айтымында, акыркы төрт жылда өлкө экономикасынын
“Бишкек шаардык транспорт” МИ автобустарга 13,5 млн сомго айнек сатып алат

“Бишкек шаардык транспорт” МИ автобустарга 13,5 млн сомго айнек сатып алат

“Бишкек шаардык транспорт” муниципалдык ишканасы ZhongTong жана Isuzu Citiport автобустарына айнек сатып алууга 13,5 млн сомдук тендер жарыялады. Сатып алуулар порталындагы маалыматка таянсак, сунуштар 15-сентябрга чейин кабыл алынат. Жеңүүчү компания келишим түзүлгөндөн кийин айнектерди 40 календардык күндүн ичинде жеткириши керектелет. Сатып алуунун негизги бөлүгү ZhongTong автобустары үчүн каралган.