Кыргызстан менен JICA чакан жана орто бизнести каржылоону талкуулады
Экономика жана коммерция министринин орун басары Беназир Нурланова JICAнын Борбордук Азия жана Кавказ бөлүмүнүн директору Коно Кэничи менен жолугушту. Бул тууралуу министрликтин маалымат кызматынан билдиришти.
Билдирүүгө караганда, тараптар чакан жана орто бизнести каржылоону кеңейтүү жана биргелешкен долбоорлорду ишке ашыруу маселелерин талкуулашты. 2025-жылы чакан жана орто бизнес - Кыргызстандын ички дүң продукциясындагы 51,4% үлүшүн түзгөн.
Айрыкча - соода, курулуш, мейманкана-ресторан жана башка кызмат көрсөтүү тармактарында чакан жана орто бизнестин ролу өзгөчө жогору.
Жолугушууда чакан жана орто бизнести узак мөөнөттүү каржылоого жеткиликтүүлүгүн кеңейтүү, ошондой эле ишканалардын туруктуулугун, өндүрүмдүүлүгүн жана атаандаштыкка жөндөмдүүлүгүн жогорулатуу боюнча жаңы инструменттерди иштеп чыгуу макулдашылды.
Кыргыз тарап ишкерлерди колдоонун учурдагы механизмдерин, анын ичинде жеңилдетилген насыяларды жана “Кепилдик фонддун” кепилдиктерин тааныштырып, JICA менен бул багыттагы кызматташтыкты андан ары да өнүктүрүүгө даяр экендигин билдиришти.
