Үрүмчүдөгү форумда Кыргызстандын инвестициялык мүмкүнчүлүктөрү талкууланды

Үрүмчүдөгү форумда Кыргызстандын инвестициялык мүмкүнчүлүктөрү талкууланды

Инвестициялар боюнча улуттук агенттиктин башчысынын орун басары Мээримбек Койчуманов 14–16-сентябрда Кытайдын Үрүмчү шаарында өтүп жаткан Шанхай Кызматташтык Уюмунун Санариптик экономика форуму – 2026га катышууда. Бул тууралуу агенттиктен билдиришти.

Форумга ШКУга мүчө мамлекеттердин мамлекеттик органдарынын, эл аралык уюмдардын, компаниялардын, университеттердин жана аналитикалык борборлордун өкүлдөрүн кошкондо 500гө жакын катышуучу чогулду. Иш-чарада санариптик инфраструктураны жана сооданы өнүктүрүү, жасалма интеллектти колдонуу, өнөр жайды санариптештирүү, маалыматтарды башкаруу жана кадрларды даярдоо маселелери талкууланууда.

Мээримбек Койчуманов ШКУнун санариптик башкаруу жана потенциалды өнүктүрүү боюнча тематикалык форумунда сөз сүйлөп, Кыргызстандын санариптик экономикадагы инвестициялык мүмкүнчүлүктөрүн тааныштырды. Ал санариптик инфраструктурага инвестиция тартуу, заманбап технологияларды киргизүү жана биргелешкен инвестициялык долбоорлорду ишке ашыруунун маанилүүлүгүнө токтолду.

Мындан тышкары, ал "Диалог жана пикир алмашуу аркылуу кызматташтыктын артыкчылыктуу багыттарын биргелешип талкуулоо" сессиясына катышты. Анда Кыргызстандын ШКУ өлкөлөрү менен инвестициялык кызматташтыкты кеңейтүүгө, потенциалдуу инвесторлор жана технологиялык компаниялар менен түз байланыштарды түзүүгө кызыкдар экенин белгиледи.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Асыл тукум мал үчүн 200дөн ашык фермерге 3%дык насыя берилди

ЕРӨБ баяндамасы: КРнын банк сектору бекемделди, мамлекеттик башкарууда тобокелдиктер бар

Бишкек ЖЭБ бир суткада канча энергия өндүрө алды?

Кызыл-Кыяда 5 400 орундуу стадион реконструкцияланууда

Күч түзүмдөрүнүн кызматкерлерине дагы 1 786 батир берилет