2026-жылдын 9 айында бюджеттин кирешеси 608,1 млрд сомду түздү
Ушул жылдын 9 айында республикалык бюджеттин кирешеси 608,1 млрд сомду түзүп, пландалган көрсөткүчтөн 22,7 млрд сомго же 103,9% аткарылды. Бул тууралуу Министрлер кабинетинин төрагасы Адылбек Касымалиев билдирди.
Төрага аппараттык кеңешме өткөрүп анда Мамлекеттик салык кызматы 259,8 млрд сом, Мамлекеттик бажы кызматы 139 млрд сом чогултканын айтты.
Өкмөт башчы андан тышкары Кыргызстанга чет элдик түз инвестициялардын агымы быйылкы жылдын биринчи жарым жылдыгында 709,9 миллион долларды түзүп, 2025-жылдын ушул мезгилине салыштырганда 26,2% өскөнүн кошумчалады.
