Кадамжайда сүттү кайра иштетүү жана мөмө сактоо иштери күчөтүлүүдө
Суу ресурстары, айыл чарба жана кайра иштетүү өнөр жайы министринин орун басары Рысгүл Акимжанова Кадамжай районунда болуп, бир катар объектилердин иши менен таанышты. Бул тууралуу министрликтин басма сөз кызматы кабарлады.
Маалым болгондой, иш сапарда Акимжанова "Рахат" фермердик чарбасына караштуу "Рахат Таң" сүт заводун көрүп чыкты. Завод күнүнө 1 тоннага чейин сүт иштетип, сүт жана айран чыгарат. Ишкана тургундардан сүттү литрине 45 сомдон сатып алып, кайра иштет.
Ошондой эле министрдин орун басары Кадамжай шаардык мэриясынын соода-логистикалык борборунда болду. Сыйымдуулугу 350 тонна болгон борбордо учурда 30 тонна алма, 40 тонна малина жана еже-малина сакталууда.
Сапардын соңунда Рысгүл Акимжанова район акими Болоткан Баяке уулу менен органикалык айыл чарбасын өнүктүрүү, логистикалык борборлорду көбөйтүү жана өнөр жай аймагын түзүү маселелерин талкуулады.
