Чаарат кени: Канадалык компания 60 млн доллар которду
Канадалык Silvercorp Metals компаниясы Кыргызстандын өкмөтүнө Жалал-Абад облусунун Чаткал районундагы Чаарат алтын кенинин Түлкүбаш жана Кызылташ тилкелерин иштетүү үчүн 60 млн доллар которду. Бул тууралуу инвесторлордун презентациясында маалымдалат.
Компаниянын лицензиясы 30 жылга (2062-жылга чейин) узартылгандан кийин каражатты Кыргызстандын инвестициялар боюнча улуттук агенттигине которгон. Тараптар сүйлөшүлгөндөй биргелешкен ишкана түзүлдү, Silvercorp компаниясы үлүштүн 70 пайызына, "Кыргызалтын" ААКсы милдеттүү каржылоосуз 30 пайызына ээлик кылат. Silvercorp долбоордун оператору болот.
Түлкүбаш тилкесинде курулуштун бюджети 166,3 млн долларды түзөт. Кызылташ тилкесинде 16 бургоолочу скважина иштейт. Компания 29 скважинанын жыйынтыктарын көрсөткөн кошумча анализдерди күтүүдө.
