Бишкекте экспорттук көзөмөл боюнча семинар өтүүдө
14–16-октябрда Бишкекте мамлекеттик органдардын кызматкерлери үчүн экспорттук көзөмөл боюнча практикалык семинар өтүп жатат. Бул тууралуу Экономика жана коммерция министрлигинен кабарлашты.
Иш-чара Кыргызстандын Экономика жана коммерция министрлиги менен Германиянын Экономика жана экспорттук көзөмөл боюнча федералдык ведомствосу (BAFA) тарабынан “ЕБ P2P” программасынын алкагында уюштурулган.
Окутуунун негизги максаты - улуттук стратегиялык сооданы көзөмөлдөө системасын чыңдоо, жарандык жана аскердик максаттарда колдонулушу мүмкүн болгон кош максаттагы товарлардын жүгүртүлүшүн көзөмөлдөөнүн натыйжалуулугун жогорулатуу.
Кыргызстанда экспорттук көзөмөл жаатындагы негизги ыйгарым укуктуу мамлекеттик орган — Экономика жана коммерция министрлиги.
Күндүн негизги жаңылыктары — Telegram каналыбызда
Каналга катталуу