Пакистан рыногуна кыргыз буюмдарын чыгаруу маселеси талкууланды
Соода-өнөр жай палатасынын вице-президенти Авазбек Керимбаев 19-октябрда Пакистандын консулу Кашиф Юнис Мехер жана ишкерлер делегациясы менен менен жолугушту. Бул тууралуу мекемеден билдиришти.
Анда пакистандык тарап зайтун майы, текстиль, косметика, курулуш материалдары жана цемент тармактарында кызматташууну сунуштап, кыргыз балын жогору баалашты.
Ошондой эле кол өнөрчүлүк буюмдарын Пакистан рыногуна чыгаруу мүмкүнчүлүктөрү талкууланды.
Тараптар Лахордогу бизнес-форумга катышуу, ишкерлер үчүн виза маселелери, туризм жана банктар аралык байланыштарды өнүктүрүү боюнча пикир алышты.
