Аламүдүндө 70,5 млн сомдук жер тилкеси мамлекетке кайтарылды
Аламүдүн районунда мыйзамсыз жеке менчикке өткөрүлүп берилген 0,54 гектар жайыт жери мамлекеттик менчикке кайтарылды. Бул тууралуу Башкы прокуратурадан билдиришти.
Маалыматка ылайык, жер тилкесинин жалпы баасы 70 млн 540 миң 200 сомду түзөт.
Райондук прокуратура тарабынан жүргүзүлгөн текшерүүдө 1998-жылы Таш-Мойнок айыл аймагында жайгашкан аталган жайыт жерлери "К." жоопкерчилиги чектелген коомуна мыйзамсыз жеке менчикке өткөрүлүп берилгени аныкталган.
Прокуратура тарабынан көрүлгөн чаралардын натыйжасында жалпы аянты 0,54 гектарды түзгөн жер тилкеси мамлекеттик менчикке кайтарылды.
