Лейлек районунда заманбап туристтик зоналар курулат
Лейлек районундагы Төө-Жайлоосунда туристтик инфраструктураны өнүктүрүү жана эс алуучулар үчүн ыңгайлуу шарттарды түзүү пландалууда. Бул тууралуу Райондук администрациядан кабарлашты.
Бул максатта Лейлек райондук мамлекеттик администрациясынын башчысы-аким Жеңишбек Асылбек туристтик потенциалы жогору болгон аймактарды жеринен көрүп чыкты. Алардын катарында "Алтын-Бешик" балдар лагери жайгашкан аймак да бар.
Маалыматка ылайык, келечекте бул жерде заманбап туристтик зоналарды түзүү жана эс алуу үчүн бардык шарттары каралган комплекстерди куруу пландалууда.
Демилгелер ишке ашырылса, Төө-Жайлоосунун туристтик мүмкүнчүлүктөрүн кеңейтүүгө, районго келген туристтердин санын көбөйтүүгө жана жергиликтүү тургундар үчүн жаңы жумуш орундарын түзүүгө өбөлгө түзөт.
