Садыр Жапаров Талас шаарынын 5 жылдык өнүгүүсү менен таанышты
Өлкө башчысы Садыр Жапаров бүгүн Талас облусуна болгон иш сапарынын алкагында Талас шаарынын 2021–2026-жылдардагы социалдык-экономикалык өнүгүүсүнүн жыйынтыктары менен таанышты. Бул тууралуу президенттин аймактагы өкүлү Эрмат Жумаев билдирди.
Маалыматка караганда, акыркы 5 жылда шаардын жергиликтүү бюджетинин көлөмү 4 эседен ашык көбөйгөн. Тактап айтканда, 2021-жылы 224 млн сомду түзсө, 2026-жылдын жыйынтыгы боюнча 947,6 млн сомго жетери күтүлүүдө.
Ошондой эле өнөр жай өндүрүшүнүн көлөмү 1,3 млрд сомдон 3 млрд сомго чейин өскөн. Ал эми инвестициялардын көлөмү 515,6 млн сомдон 8,2 млрд сомго чейин көбөйгөн.
Жалпысынан шаарда 11,8 млрд сомдук бир катар ири долбоорлор ишке ашырылган.
