"Бала ырысы" жөлөкпулун алган балдардын саны 266 миңден ашты
2026-жылдын ноябрь айына карата жөлөкпул алган балдардын саны 266 166ты түздү. Бул тууралуу Эмгек, социалдык камсыздоо жана миграция министрлиги тараткан маалыматта айтылат.
Билдирүүгө ылайык, жөлөкпул төлөө үчүн талап кылынган каражаттын суммасы 328 млн 20 миң 598 сом 44 тыйынды түзөт.
2026-жылдын октябрь айына салыштырмалуу жөлөкпул алуучулардын саны 13 467 балага же 5,3 пайызга көбөйгөн, ал эми талап кылынган каражаттын көлөмү 16,5 млн сомго өскөн.
Ал эми жөлөкпул алууга берилген арыздардын 84 пайызы "Түндүк" мобилдик тиркемеси аркылуу тапшырылган.
"Бала ырысы" программасы жаш балдары бар үй-бүлөлөргө социалдык колдоо көрсөтүүнү күчөтүүгө багытталган. Жөлөкпулду тариздөө "Түндүк" мобилдик тиркемеси жана министрликтин аймактык бөлүмдөрү аркылуу жүргүзүлөт. Ал эми акча каражаттары түздөн-түз алуучулардын банктык эсептерине которулат.
жүргүзүлөт.Жөлөкпулдун төлөмдөрү ар бир айдын 1инен 10уна чейин жүргүзүлөт. Анын өлчөмү ар бир бала үчүн айына - 1 200 сомду түзөт.
Күндүн негизги жаңылыктары — Telegram каналыбызда
Каналга катталуу
