Ысык-Көлдө акылдуу эсептегичтерди орнотуу иштери 95%га аткарылды
Ысык-Көл облусунда электр энергиясын бөлүштүрүү жана эсепке алууну жакшыртуу максатында санариптештирүү иштери жигердүү жүргүзүлүп, жыл башынан бери 44 121 даана акылдуу эсептегич орнотулду. Бул тууралуу Энергетика министрлигинен билдиришти.
“КУЭТ” ААКнын Ысык-Көл электр тармактар ишканасы тарабынан 2025-жылдын башынан бери акылдуу эсептегичтер төмөнкүдөй райондорго орнотулду:
- Жети-Өгүз РЭТ – 11 895 даана
- Балыкчы РЭТ – 6 664 даана
- Ак-Суу РЭТ – 8 710 даана
- Чолпон-Ата РЭТ – 7 509 даана
- Тоң РЭТ – 6 718 даана
- Каракол РЭТ – 2 625 даана
Жалпы 46 400 акылдуу эсептегичти орнотуу пландалган жана учурда пландын 95%га аткарылганы белгиленди.
Азыркы тапта Ысык-Көл электр тармактары ишканасы 137 728 кардарды электр менен камсыз кылат. Анын ичинен 99 426 кардар акылдуу эсептегичти колдонот. Санариптештирүү аркылуу эсептегичтин маалыматтарын абоненттерди тынчсыздандырбай аралыктан алуу, ошондой эле электрди өчүрүү жана күйгүзүү мүмкүнчүлүгү пайда болду.
