Жыл аягында Кыргызстанда биринчи жолу күн электр станциясы ишке кирет

Ушул жылдын 15-декабрында Балыкчы шаарында өлкөнүн тарыхында биринчи жолу 120 МВт кубаттуулуктагы күн электр станциясы ишке берилет. Бул тууралуу президент Садыр Жапаров Бишкектеги "Алтай" шаарчасынын курулушуна мезгил кутусун салуу аземинде билдирди.

Президенттин айтымында, учурда өлкөдө 100гө жакын гидроэлектр, күн жана шамал электр станциялары курулуп жатат. Бул долбоорлордун 2028-жылга карата бүтүшү Кыргызстанды энергетикалык кризистен чыгарып, туруктуу энергия менен камсыздоого өбөлгө түзөт.