Энергетика

Кыргызстан, Казакстан жана Өзбекстан суу-энергетикалык кызматташуу боюнча макулдашты

Айгерим Качкынбекова

23 нояб. 2025 13:49

Алматы шаарында Казакстан Республикасынын энергетика министри Ерлан Аккенженовдун төрагалыгы алдында Кыргызстан, Казакстан жана Өзбекстандын суу-энергетикалык ведомстволорунун жетекчилеринин жыйыны өттү. Бул тууралуу Энергетика министрлигинин басма сөз кызматынан билдиришти.

Жолугушууга Казакстандын суу ресурстары жана ирригация министри Нуржан Нуржигитов, Кыргызстандын энергетика министри Таалайбек Ибраев, Өзбекстандын энергетика министри Журабек Мирзамахмудов, Өзбекстандын суу чарба министри Шавкат Хамраев жана Кыргызстандын суу ресурстары, айыл чарба жана кайра иштетүү өнөр жайы министринин орун басары Алмаз Жээналиев катышты.

Тараптар суу-энергетикалык кызматташуунун мындан аркы параметрлерин макулдашты. Токтогул суу сактагычындагы азыркы кыйын абалды эске алуу менен, өлкөлөр бири-бирин өз ара электр энергиясы менен колдоого жана келерки жылы вегетация мезгилине даярдыкты биргеликте координациялоону макулдашты.

Казакстан менен Өзбекстан күз-кыш мезгилинде Кыргызстанга электр энергиясын берүү даярдыгын тастыкташты. Бул Кыргызстанга кышында суунун сарпталышын азайтып, Токтогул суу сактагычында көбүрөөк көлөмдө суу топтоого шарт түзөт. Топтолгон суу 2026-жылдагы вегетация учурунда Казакстан менен Өзбекстанга берилип, алардын түштүк аймактарындагы сугаруу иштерин туруктуу жүргүзүүгө мүмкүнчүлүк түзөт.

Ошондой эле региондо энергия керектөөнү азайтуу жана энергияны үнөмдөө боюнча биргелешкен чаралар кабыл алынды. Тараптар сүйлөшүүлөрдүн жыйынтыгы боордоштук мамилеге негизделгенин жана Борбор Азиянын энергетикалык коопсуздугун чыңдоого багытталганын баса белгилешти. Өзбекстан электр энергиясынын транзити жана системаны тең салмактоо үчүн техникалык шарттарды камсыздоого даяр экенин билдирди.

Жыйынтыгында 2026-жылдагы кышкы электр энергиясын жеткирүү жана вегетация мезгили үчүн суу топтоо боюнча милдеттемелерди бекиткен үч тараптуу протоколга кол коюлду.

Мындан тышкары окуңуз

Мектеп формасы мурдагы талаптар боюнча калат — жумушчу топтун чечими чыкты

Агартуу министрлиги мектеп формасына байланыштуу сунуштарды кароо үчүн түзүлгөн атайын жумушчу топ өз чечимин чыгарды. Ага ылайык, Кыргыз Республикасынын Өкмөтүнүн 2015-жылдын 12-августундагы №572 токтому өзгөртүүсүз күчүндө калат. Министрликтин маалыматына ылайык, чечим мугалимдердин, ата-энелердин, окуучулардын жана эксперттердин пикирлерин эске алуу менен кабыл алынган. Буга чейин көпчүлүк ата-энелер балдарына “үстү ачык түстө,

Министрлер кабинети эмгекчилердин укуктарына байланышкан маселени талкуулады

КРнын Министрлер Кабинетинин Төрагасы Адылбек Касымалиев тиешелүү мамлекеттик органдардын жетекчилеринин катышуусунда эмгекчилердин укуктарына байланышкан маселелер боюнча кеңешме өткөрдү. Адылбек Касымалиев, алгач 1-май – Эмгек майрамына карата өлкөнүн жалпы эмгек адамдарын куттуктап, акыркы беш жылдын ичинде Президент Садыр Жапаровдун жетекчилиги астында экономикада олуттуу өзгөрүүлөр болуп, көптөгөн жумуш орундары түзүлгөнүн, анын ичинде эмгекчилердин

Бүгүн, 1-май жаздын жана эмгектин майрамы

Бүгүн, эмгектин баркын даңазалаган, ар бир адамдын аракетине, мээнетине урмат көрсөтүлгөн өзгөчө дата. Өнүгүүнүн, ийгиликтин жана туруктуулуктун негизи дал ушул талыкпаган эмгекке таандык. Урматтуу "Ишкер медианын" окурмандары! Сиздерди 1-май жаздын жана эмгектин майрамы менен чын жүрөктөн куттуктайбыз! Ар бириңиздердин ишиңиздер жемиштүү болуп, койгон максаттарыңыздар ишке ашсын. Кылган эмгегиңиздер

Гүл, көчөт саткан жайлардын фитосанитардык абалы текшерилди

28-апрелде Ветеринардык жана фитосанитардык көзөмөл кызматынын фитосанитардык көзөмөлдөө башкармалыгы тарабынан Бишкек шаарындагы өсүмдүк тектүү продукцияларды сактоочу жана сатуучу жайларда мониторинг жана түшүндүрүү иштери жүргүзүлдү. Бул тууралуу аталган кызматтан билдиришти. Маалыматка караганда, текшерүү учурунда гүлдөрдү, декоративдик өсүмдүктөрдү жана көчөттөрдү саткан айрым соода түйүндөрүндө фитосанитардык коштоочу документтердин жана сертификаттардын толук эместиги аныкталды.