Жалал-Абадда 8 көмөк чордондун кубаттуулугу жогорулатылды
Жалал-Абад облусунда 8 көмөк чордондун күч трансформаторлорунун кубаттуулугу жогорулатылды. Бул иштер Энергетика министрлигинин күз-кыш мезгилине даярдык тапшырмаларынын алкагында “КУЭТ” ААКнын Жалал-Абад электр тармактар ишканасы тарабынан жүргүзүлдү.
Энергетика министрлигинин маалыматына ылайык, Базар-Коргон Т-1 16 МВАдан 40 МВАга, Көк-Таш 6,3 МВАдан 16 МВАга көтөрүлдү. Иш-чаралар тармактын ишенимдүүлүгүн күчөтүп, калкты сапаттуу жана туруктуу электр менен камсыздоого багытталды.
Кошумча, райондордо жана шаарларда 83 миң акылдуу эсептегич орнотулуп, 540 чакырым аба чубалгылары оңдолуп-түзөлдү, ошондой эле 557 трансформатор оңдоп-түзөөдөн өткөрүлдү.
Натыйжада облус электр тармагында туруктуулук жогорулап, жаңы турак жайлар жана социалдык объектилер үчүн электр энергиясы үзгүлтүксүз жеткирилет.
