Кыргызстан менен Кытай энергетика боюнча меморандумга кол койду
Энергетика министри Алтынбек Рысбеков 13-августта Кытайдын "China Southern Power Grid International Co., Ltd." эл аралык энергетикалык компаниясынын президенти Чжан Хэн менен жолугушуп, өз ара түшүнүшүү жөнүндө меморандумга кол коюшту.
Министрликтин басма сөз кызматы маалымдагандай, тараптар энергетикалык инфратүзүмдү жаңылоо, электр тармактарын өнүктүрүү, санариптик технологияларды жана электр жарыгын топтоо тутумун киргизүү маселелерин талкуулашты.
Документке ылайык, мындан аркы кызматташтыкты уюштуруу жана чогуу ишке ашыра турган долбоорлорду аныктоо үчүн Биргелешкен жумушчу топ түзүлөт.
Кызматташтык Кыргызстандын энергетикалык инфратүзүмүн өнүктүрүүгө жана биргелешкен иштерди аткарууга багытталары белгиленди.
