Нарын электр тармактар ишканасынын күз-кышка даярдыгы 98%ды түздү
Нарын электр тармактар ишканасы күз-кышка 98% даяр. Бул тууралуу облустук коллегиянын жыйынында ишкананын башчысы Бакыт Жолдошбеков маалымдады.
Анын айтымында, электр жабдууларын толугу менен оңдоого 23 млн 825 миң сом каралып, план ашыгы менен аткарылган. Алты ай ичинде 24 млн 232 миң сомдук жумуш жасалган.
Ал эми учурдагы оңдоо иштерине 50 млн сом бөлүнүп, иштин 98%ы аяктады.
Белгиленгендей, 306 чакырым аба чубалгысы капиталдык оңдоодон, ал эми 4 миң 217 чакырым аба чубалгысы техникалык тейлөөдөн өткөрүлгөн. 4 миң 859 изолятор алмаштырылган.
Мындан тышкары, көмөк чордондордо дагы бир катар иштер аткарылды.
