Ат-Башыда аба чубалгылары жаңыланууда
Нарын электр тармактар ишканасына караштуу Ат-Башы райондук электр тармактар ишканасында 2026-жылга карата бекитилгеноңдоо иштеринин алкагында электр тармактарын жаңылоо жана кубаттуулукту жогорулатуу багытында бир катар иштер жүргүзүлүүдө. Бул тууралуу Нарын электр тармактар ишканасынан билдиришти.
Маалыматка ылайык, район аймагындагы эскирген жыгач электр мамыларын темир-бетон мамыларга алмаштыруу, аба чубалгыларын жаңылоо жана электр тармактарынын өткөрүмдүүлүгүн жогорулатуу боюнча иштер аткарылууда.
Ишкананын планына ылайык, Ат-Башы районунун Кара-Булуң, Кызыл-Туу, Казыбек, Ак-Талаа, Терек-Суу, Ак-Моюн жана Ат-Башы айылдарында жалпы 14,5 чакырым 10/0,4 кВ аба чубалгыларын оңдоо, ошондой эле жаңы 500 метр аба чубалгыларын куруу каралган. Жаңылоо иштерин жыл аягына чейин толук бүткөрүү пландалууда.
Мындан тышкары, эскилиги жеткен жыгач мамыларды алмаштыруунун алкагында 443 даана темир-бетон мамы орнотулууга тийиш. Бүгүнкү күндө алардын 96 даанасы орнотулуп, иштер улантылууда.
Электр энергиясына болгон керектөөнүн өсүшүн эске алуу менен оңдоо иштеринде кубаттуулукту жогорулатууга да өзгөчө көңүл бурулууда. 400 кВАлык 3 даана ГКТП алмаштырылып, 1 даана жаңы орнотулат, жалпы 4 даана. Ошондой эле Талды-Суу айылына кошумча 1 даана 400 кВА кубаттуулуктагы ГКТП орнотуу пландалган.
