Сүлүктүдө “акылдуу” эсептегичтер орнотулууда
Электр энергиясын эсепке алууну санариптештирүү жана керектөөнү так көзөмөлдөө максатында “КУЭТ” ААКнын филиалы - Баткен электр тармактар ишканасынын Сүлүктү электр тармактар ишканасы “акылдуу” эсептегичтерди орнотуу иштерин жүргүзүүдө.
Баткен электр тармактар ишканасынын маалыматына караганда, 2026-жылга карата Сүлүктү электр тармактар ишканасына караштуу аймактарга жалпы 15454 даана “акылдуу” электр эсептегич орнотуу иштери пландалган болсо, бүгүнкү күнү 458 даанасы орнотулду. Бул эсептегичтер Сүлүктү электр тармактарынын бардык калк керектөөчүлөрүнө этап-этабы менен орнотулат.
Белгилей кетсек,“акылдуу” эсептегичтерин сатып алуу абоненттердин эсебинен жүргүзүлбөйт. Эсептегичтин өзү жана аны орнотууга байланыштуу бардык чыгымдар толугу менен “Кыргызстан улуттук электр тармагы” ААКнын эсебинен каржыланат.
