"Айтматов Ааламы" комплексинде 120 кВт резервдик генератор орнотулган
Талас облусундагы "Айтматов Ааламы" мемориалдык музей-комплексинде Эгемендүүлүктүн 35 жылдыгына карата өтүүчү иш-чараларды үзгүлтүксүз электр энергиясы менен камсыз кылуу үчүн даярдык иштери жүргүзүлүп, резервдик генератор орнотулган. Бул тууралуу Энергетика министрлиги билдирди.
Иштерди "КУЭТ" ААКнын Талас электр тармактар ишканасынын Айтматов райондук электр тармагынын кызматкерлери аткарды. Анын алкагында 400 метр СИП-2 зымы тартылып, 120 кВт кубаттуулуктагы резервдик генератор орнотулду. Ошондой эле 833/250 кВА КТПсына техникалык тейлөө жүргүзүлүп, электр энергиясын резервдик булакка автоматтык түрдө өткөрүүчү АВР системасы орнотулду.
Мындан тышкары, иш-чара өтүүчү аймактагы 7 боз үйгө электр жабдуулары орнотулуп, электр энергиясы берилди.
Аткарылган иштердин натыйжасында комплексте электр энергиясын ишенимдүү камсыз кылууга жана күтүүсүз өчүүлөр болгон учурда резервдик булакты пайдаланууга шарт түзүлдү.
