Энергетика

Борбор Азияда атом тармагындагы жаштардын кызматташуу платформасын түзүү сунушталды

Ишкер Media

27 окт 2026 10:49

КРнын энергетика министринин орун басары Мирлан Парханов Ташкент шаарында өткөн "Борбордук Азия – Атом 2050" жолугушуусуна катышты. Бул тууралуу бүгүн мекеменин басма сөз кызматы кабарлады.

Иш-чарага 900дөн ашуун студент жана аймактын атом тармагынын өкүлдөрү чакырылган.

Маалыматка ылайык, жолугушуунун жүрүшүндө Борбордук Азия өлкөлөрүндө өткөрүлгөн жаштардын ядролук диалогдорунун жыйынтыктары тааныштырылды.

Ошондой эле кадрдык потенциалды өнүктүрүү, билим алуу мүмкүнчүлүктөрүн кеңейтүү жана атом энергиясын тынчтык максатта пайдалануу жаатындагы аймактык кызматташтыкты чыңдоо боюнча сунуштар талкууланды.

Анда Борбордук Азияда атом тармагындагы жаштардын кызматташуу платформасын түзүү сунушталды. Ал тажрыйба алмашуу, биргелешкен долбоорлорду ишке ашыруу жана жаш адистердин тармактын өкүлдөрү менен өз ара кызматташуусу үчүн туруктуу аянтча болмокчу.

Ошондой эле студенттерди практикалык даярдоого, насаатчылыкка жана жаштардын кесиптик өнүгүүсүнө өзгөчө көңүл бурулду.

Жолугушуунун жыйынтыгында жаш адистер менен тармак жетекчилеринин ортосундагы диалогду улантуу максатында иш-чараны жыл сайын өткөрүп туруу сунушталды.

Иш-чара Ташкент шаарындагы Улуттук ядролук изилдөөлөр университетинин "МИФИ" филиалында "Росатом" мамлекеттик корпорациясынын жана Борбордук Азия өлкөлөрүнүн энергетика жана атом тармагындагы мамлекеттик органдарынын өкүлдөрүнүн катышуусунда өттү.

Ага "Росатом" мамлекеттик корпорациясынын башкы директору Алексей Лихачёв, Өзбекстандын Президентинин отун-энергетика комплекси боюнча кеңешчиси Бехзот Рахматуллаевич Нарматов, Казакстан, Өзбекстан жана Тажикстандын тиешелүү мамлекеттик органдарынын өкүлдөрү да катышты.

Мындан тышкары окуңуз

3 кыргыз студенти Финансылык коопсуздук боюнча олимпиадада байгеге ээ болушту

Кыргызстандык студенттер Красноярск шаарында өткөн Финансылык коопсуздук боюнча VI Эл аралык олимпиадада байгелүү орундарга ээ болушту. Бул тууралуу Илим министрлигинен кабарлады. Маалым болгондой, олимпиаданын финалдык этабына 45 өлкөдөн 700гө жакын катышуучу катышты. Жыйынтыгында 35 өлкөдөн келген 219 катышуучу жеңүүчү жана байге ээси аталды. Алардын 193ү студенттер болду. Финалдын жыйынтыгы боюнча

Тогуз-Тородо 3 миң гектардан ашык жерди сугаруу үчүн 2 канал куруу пландалууда

Тогуз-Торо районунда жалпы 3 миң 256 гектар жерди сугат суу менен камсыз кылууга багытталган эки каналдын курулушу пландалууда. Бул тууралуу өлкө лидери Садыр Жапаровдун 26-октябрдагы иш сапары учурунда маалымдалды. Билдирүүгө караганда, анын бири - 800 гектар жерди сугарууга мүмкүндүк бере турган "Кара-Талаа" каналы. Долбоордун алдын ала

Бишкектин айрым аймактарында 29-октябрда суу өчүрүлөт

29-октябрда саат 10:00дөн 22:00гө чейин "Мурас Ордо" конушунда ичүүчү суу берүү токтотулат. Бул тууралуу борбор калаанын мэриясы билдирди. Маалымдалгандай, сууну өчүрүүгө "Мурас Ордо" суу топтомосунда жана шаардык тармактарда жүргүзүлө турган профилактикалык оңдоо иштери себеп болууда. Тизмеге турак жайлар, мектептер, бала бакчалар, саламаттыкты сактоо

Токтогул ГЭСтеги №2 гидроагрегатта тейлөө иштери жүргүзүлүүдө

Токтогул ГЭСинде 2026–2027-жылдардын күз-кыш мезгилине даярдык көрүүнүн алкагында гидроэнергетикалык жабдууларды пландуу оңдоо жана техникалык тейлөө иштери улантылууда. "Электр станциялары" ААКнын маалыматына караганда, учурда № 2 гидроагрегатта (ГА-2) техникалык тейлөө иштери жүргүзүлүп жатат. Тактап айтканда, бириктирилген подшипник, турбиналык подшипниктин май муздаткычы жана ТБС фильтрлери тазаланып, жуулууда.