Швейцария «КРда жугуштуу эмес ооруларды натыйжалуу башкаруу» долбооруна 5 млн франк берди
Кечээ, 12-октябрда Ош шаарында “Кыргызстанда жугуштуу эмес ооруларды натыйжалуу башкаруу жана алдын алуу” аттуу швейцариялык долбоордун II фазасынын расмий ачылышы өттү. Бул тууралуу Швейцариянын Кыргызстандагы Элчилигинин маалымат кызматы билдирди.
Долбоордун биринчи фазасы өлкөнүн түндүгүндө ишке ашырылган. Эми экинчи фазасында долбоор Кыргызстандын түштүгүндөгү баштапкы саламаттык сактоо кызматкерлерине колдоо көрсөтөт.
“Долбоор жугуштуу эмес оорулар менен жашаган же ооруну жуктуруп алуу тобокелдиги жогору болгон топторго кирген адамдарды натыйжалуу, тегиз, сапаттуу тейлөөнү камсыз кылууга жардам берет. Швейцария Өкмөтү долбоордун экинчи фазасына 5 миллиондон ашык швейцар франкын бөлүп берди”, – деп билдиришти Элчиликтен.
Кошумча окуңуз:
Швейцария кыргызстандыктардын саламаттыгын чыңдоого 5 млн доллар берет
Швейцария айылдарды колдоо үчүн 2.2 млн доллар бөлөт
Швейцария Нарын шаарынын инфраструктурасын өнүктүрүүгө 6 млн доллар бөлөт
Швейцария Бишкектин жаңы конуштарын өнүктүрүү үчүн 9 млн доллар бөлөт
Швейцария Кыргызстандагы улгайган адамдарды колдоо үчүн 473 миң доллар бөлөт
