Сауд өнүктүрүү фондунун каражатына МИК 3000 батир курат
Жогорку Кеңештин эл аралык иштер, коргоо, коопсуздук жана миграция боюнча комитетинин жыйынында Сауд өнүктүрүү фондунун тарабынан КРда турак жайды каржылоо долбоору боюнча кредиттик макулдашууну ратификациялоо жөнүндөгү мыйзам экинчи окууда каралды. Бул тууралуу парламенттин маалымат кызматы кабарлады.
Мыйзам долбоорун экономика жана коммерция министринин орун басары Канат Абдрахманов тааныштырды. Ал белгилегендей, Сауд өнүктүрүү фонду «Кыргыз Республикасындагы турак жайды каржылоо» долбоорун ишке ашыруу үчүн 25 жылдык мөөнөткө 375 млн сауд риалы (100 млн доллары эквиваленти) өлчөмүндө насыяны жылдык 1.5% кредиттик комиссиясы, 5 жылдык жеңилдетилген мезгили менен 25 жылдык мөөнөткө берет. Программада 40 м2ден 85 м2ге чейин 3000 бирдик арзан турак жай куруу каралган. Долбоор 2028-жылдын аягына чейин бүтөрү күтүлүүдө.
«Мамлекеттик ипотекалык компания» ААК тартылган финансылык каражаттардын оператору болот, жер участокторун берет жана «Менин үйүм 2021-2026» программасынын катышуучулары саналган Кыргызстандын жарандарына жеткиликтүү турак жайдын курулушун каржылайт.
Жыйынтыгында мыйзам долбоору экинчи окууда жактырылды
