Жогорку Кеңеш ЕРӨБ тарабынан «Кыргыз темир жолун» 11 млн еврого каржылоо долбоорун колдогон жок

Сапар Акунбеков

22 июнь 2023 11:00

Жогорку Кеңештин депутаттары «Кыргыз темир жолу» ишканасын 11 млн еврого каржылоо мыйзам долбоорун колдогон жок. Бул тууралуу парламенттин маалымат кызматы кабарлады.

Такталгандай, мыйзам долбоорун биринчи окууда транспорт жана коммуникация министринин орун басары Ырысбек Бариев алып чыкты. Анын айтымында, «Кыргыз темир жолу» улуттук компаниясы» мамлекеттик ишканасынын инфраструктурасынын климатка туруктуулугун жогорулатуу» долбоору 3 компонентти карайт. Алар Боом капчыгайындагы көчкүгө каршы курулманы 150м кеңейтүү, универсалдуу үстү ачык жүк ташуучу вагондорду сатып алуу, «Жол түзүмүн модернизациялоо, кыргыз темир жолунун коопсуздугун жогорулатуу».

Макулдашуулар Европа реконструкциялоо жана өнүктүрүү банкы тарабынан 8 млн евро өлчөмүндө насыяны берүүнү жана ЕРӨБ акционерлеринин атайын фондунун каражаттарынан 3 млн. евро гранттык каражаттарды бөлүүнү камтыйт. Насыя 1% + алты айлык EURIBOR пайыздык чен менен 2 жылдык жеңилдетилген мезгилди кошкондо, 12 жылга берилет. Долбоордун жалпы баасы 12 млн еврого бааланган, анын 11 млн евросу ЕРӨБ тарабынан, ал эми 1 млн евросу «Кыргыз темир жолу» УК» мамлекеттик ишканасы тарабынан каржыланмак.

Талкуу маалында депутат Аманкан Кенжебаев кирешелүү компаниянын бул долбоорду сырттан карыз алып аткарып жатканына кызыкды. Депутат Жылдыз Таалайбек кызы карызды төлөй албай калган учурда банк тарабынан карызкорго карата көрүлүүчү чараларды тактады. Депутат Акылбек Түмөнбаев «Кыргыз темир жолу» улуттук компаниясы» мамлекеттик ишканасынын мурдагы жетекчилери учурунда келтирилген чыгым толук өндүрүлбөй жаткан чакта насыя алуу максатка ылайыктуу эместигин билдирди.

Жыйынтыгында депутаттар аталган мыйзам долбоорун колдоого алышкан жок.

Мындан тышкары окуңуз

Лейлекте 143 ишкана ачылып, 356 объект курулду

Өлкө башчысы Садыр Жапаров бүгүн Баткен жана Ош облустарына болгон иш сапарынын алкагында Лейлек районунун жана Сүлүктү шаарынын социалдык-экономикалык өнүгүүсү менен таанышты. Бул тууралуу президенттин администрациясы билдирди. Лейлек районунун акими Асылбек Женишбек 2021-2026-жылдары аткарылган иштер тууралуу маалымат берди. Анын айтымында, райондо өндүрүлгөн продукциянын көлөмү 617,8 млн

Садыр Жапаров Баткен жана Ош облустарына иш сапар менен барат

Өлкө башчысы Садыр Жапаров Баткен жана Ош облустарына барат. Бул тууралуу президенттин басма сөз катчысы Аскат Алагөзов билдирди. Ал белгилегендей, мамлекет башчысынын сапары бүгүн башталып, эки күнгө созулат. Сапардын алкагында мамлекет башчысы Баткен облусунун жергиликтүү тургундары менен жолугушууларды өткөрөт. Ошондой эле Ош шаарында Мамлекеттик чек ара кызматынын модернизацияланган объектилери менен

Бишкектин айрым аймактарында 13-октябрда суу убактылуу өчүрүлөт

13-октябрда саат 09:00дөн 00:00гө чейин Бишкектин айрым аймактарында ичүүчү суу убактылуу өчүрүлөт. Бул тууралуу мэриянын басма сөз кызматы билдирди. Маалымдалгандай, суу турак үйлөргө, мектептерге, бала бакчаларга, саламаттык сактоо объектилерине жана башка социалдык жана өнөр жай объектилерине берилбейт. Суу өчүрүлө турган аймактар: • Алыкулов – Костанай – Муром – Садыгалиев – Лев Толстой

Электр энергиясына болгон муктаждык камсыздалат

Кече Кара-Көл шаарында энергетика министри Алтынбек Рысбеков “Электр станциялар” ачык акционердик коомунда кеңешме өткөрдү. Ага компаниянын башкы дирекциясынын өкүлдөрү, филиалдардын директорлору жана түзүмдүк бөлүмдөрдүн жетекчилери катышты. Кеңешменин жүрүшүндө “Электр станциялар” ААКсынын башкы директору Улугбек Мамыралиев компаниянын ишмердүүлүгү, негизги өндүрүштүк көрсөткүчтөр, энергетикалык жабдуулардын учурдагы абалы, оңдоо иштеринин жүрүшү жана 2026–