АРИС Баткенде 11 млн долларлык агродолбоорду ишке ашырат

Баткенде 11млн долларлык агрардык долбоор өз ишин баштады. Бул тууралуу президенттин Баткен облусундагы ыйгарым укуктуу өкүлүнүн басма сөз кызматы билдирди.
Эске салсак, Дүйнөлүк Банк тарабынан Баткен облусун калыбына келтирүүгө жана социалдык-экономикалык жактан өнүктүрүүгө 50 млн доллар бөлүнгөн. Анын 11 млн доллары айыл чарбасын өнүктүрүүгө жумшалат. Долбоорду АРИС ишке ашырат.
Жыйындын жүрүшүндө АРИС уюмунун эксперттери айыл чарба тармагынын өнүгүү багыттары, долбоордун максаты, мүмкүнчүлүктөрү тууралуу айтып беришти.
Ал эми AgroWay компаниясы аймактын айыл чарбасынын жана агробизнесинин потенциалына жүргүзүлгөн комплекстүү изилдөөнүн жыйынтыгы боюнча маалымат берди.
Жыйындын негизги максаты долбоордун 2-компонентинин алкагында изилдөө натыйжаларын презентациялоо жана талкуулоо, кызыкдар тараптар менен кызматташуунун картасын түзүү, Баткен облусунда артыкчылыктуу өндүрүштүк өнөктөштүктү өркүндөтүү.