Садыр Жапаров «Медтроник» ири медициналык компаниясынын жетекчилиги менен жолугушту

Сапар Акунбеков

22 сен 2023 09:20

Президент Садыр Жапаров Нью-Йорк шаарында «Медтроник» медициналык компаниясынын жетекчилиги менен жумушчу жолугушуу өткөрдү. Бул тууралуу президенттин маалымат кызматы билдирди.

Тараптар тажрыйба алмашуу жана медицинада жогорку технологияларды ишке ашыруу жана жайылтуудагы мыкты тажрыйбаларды өткөрүп берүү тууралуу талкуулашты.

Кыргызстанда каза болгондордун 52% ы жүрөк-кан тамыр ооруларына туура келерин эске алуу менен, Садыр Жапаров мамлекеттин стратегиялык милдети - жүрөк-кан тамыр оорулары менен ооругандарга жеткиликтүү жана сапаттуу медициналык жардам көрсөтүүнүн натыйжалуу улуттук системасын түзүү экенин белгиледи.

Бул чаралар мындай оорулардын алдын алууга жана дарылоого, тиешелүү түрдө калк арасында өлүмгө учуроону азайтууга багытталууга тийиш. Буга байланыштуу Мамлекет башчысы кыргыз тараптын «Медтроник» компаниясы менен дал ушул багытта кызматташууга кызыкдар экенин билдирди.

Кызматташтыктын алкагында жүрөк тамырларын стенттөөнүн баасын эселеп кыскартууга мүмкүн болоору белгиленген. Мисалы, азыр стенттөө үчүн бүт шаймандары (комплект) 2-2.5 миң АКШ долларын түзсө, «Медтроник» менен кызматташкан кезде өндүрүүчүнүн заводунан түздөн-түз баасын 400 АКШ долларына чейин түшүрүү мүмкүнчүлүгү пайда болот.

Мындан тышкары окуңуз

Кербен шаарында гемодиализ борборун куруу пландалууда

Кербен шаарынын мэри Жаныш Раимжанов гемодиализ борборун куруу демилгеси менен чыккан ишкерлерди кабыл алды. Бул тууралуу шаардык мэриядан кабарлады. Билдирүүгө караганда, жолугушууда мэрия аталган долбоорду ишке ашырууга кызыкдар экендигин белгилеп, гемодиализ борборун куруу үчүн жер тилкесин бөлүп берүүгө даяр экендигин билдирди. Эске салсак, 2026-жылдын 24-октябрында президент Садыр Жапаровдун

Президент Таласка иш сапары менен барат

Президент Садыр Жапаров бүгүн, 2-ноябрда Талас облусуна иш сапар менен барат. Бул тууралуу өлкө башчынын басма сөз катчысы Аскат Алагөзов билдирди. Маалыматка ылайык, мамлекет башчысы аймактын эли менен жолугушуп, жергиликтүү бийлик органдарынын жетекчилеринин облустун учурдагы социалдык-экономикалык абалы жана мындан аркы өнүгүү келечеги тууралуу маалыматтарын угат. Ошондой эле Талас

"Жашыл шаар" сынагынын бюджетин 10 млн сомго чейин көбөйтүү пландалууда

Бишкек шаарынын мэри Айбек Жунушалиев шаардык "Жашыл шаар" сынагында биринчи орунду ээлеген объектилерге барып, жеңүүчүлөргө акчалай сертификаттарды тапшырды. Мэриянын басма сөз кызматы маалымдагандай, жеңүүчүлөргө 200 миң сомдук акчалай сертификаттар тапшырылды. Алар: * Токтоналиев көчөсү, 26 дарегинде жайгашкан "Тулпар" турак жай ээлеринин шериктештиги (ТСЖ) "Эң мыкты жашыл

Түп районунда 150 орундуу мектеп курулууда

Ысык-Көл облусунун Түп районундагы Сары-Булуң айылында 150 орундуу жаңы мектеп курулууда. Бул тууралуу Курулуш министрлигинен маалымдады. Долбоор республикалык бюджеттин эсебинен каржыланып, мектептин курулуш иштери 2025-жылдын май айында башталган. Маалыматка ылайык, объекттин жалпы наркы 117 миллион сомду түзөт. Мектептин имараты эки кабаттан туруп, жалпы аянты 1871 чарчы метр.