Социалдык контракт: Биринчи май районунда 22 үй-бүлөгө 150 миң сомдон берилди

Уулжан Бейшенбекова

14 авг. 2026 16:32

Биринчи май районунун муниципалдык администрациясында социалдык контракт боюнча комиссиянын кезектеги жыйыны өттү.

Райондук администрациядан билдиришкендей, жыл башынан бери социалдык контракт боюнча 38 арыз түшкөн. Анын ичинен 22 үй-бүлөгө 150 миң сомдон каражат бөлүнгөн.

Мындан тышкары, 8 арыз кайра кароого калтырылып, дагы 8 арыз талаптарга жооп бербегендигине байланыштуу четке кагылган.

2026-жылга Биринчи май району боюнча социалдык контракттын алкагында 33 квота каралган.

Белгилей кетсек, социалдык контракт боюнча иштер Министрлер Кабинетинин 2022-жылдын 15-июлундагы №385 токтомунун негизинде жүргүзүлүүдө.

Эмгек министрлигинин маалыматына ылайык, “Социалдык контракт” аз камсыз болгон үй-бүлөлөрдү колдоого, туруктуу киреше булактарын түзүүгө багытталган. Контракт түзгөндөр өз ишин ачуу же өнүктүрүү үчүн каржылык жардам алышат.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!