Жогорку Кеңештин комитетинде Камбар-Ата-1 ГЭСинин ТЭНин актуалдаштыруу долбоору каралды

Сапар Акунбеков

16 янв. 2024 09:53

Жогорку Кеңештин эл аралык иштер, коргоо, коопсуздук жана миграция комитети кезектеги жыйынында «2023-жылдын 14-ноябрында Бишкек шаарында кол коюлган КР менен Эл аралык өнүктүрүү ассоциациясынын (Дүйнөлүк банк) ортосундагы Каржылоо жөнүндө макулдашууну (Камбарата -1 ГЭСинин долбоору үчүн техникалык жардам) жана Кыргыз Республикасы менен Эл аралык өнүктүрүү ассоциациясынын (Дүйнөлүк банк) ортосундагы Макулдашуу катты (Гранттык макулдашуу) (Камбарата - 1 ГЭСинин долбоору үчүн техникалык жардам) ратификациялоо тууралуу» мыйзам долбоору биринчи окууда каралды.

Маалыматка ылайык, мыйзам долбоору боюнча энергетика министри Таалайбек Ибраев маалымат берди. Анын айтымында, Каржылоо жөнүндө макулдашууну жана макулдашуу катты (Гранттык макулдашуу) ишке ашыруунун максаты – 1860 МВт белгиленген кубаттуулугу болгон Камбарата -1 ГЭСин куруу долбоорунун техникалык-экономикалык негиздемени актуалдаштыруу болуп саналат.

"Долбоорду ишке ашыруу электр энергиясына болгон муктаждыкты жабууну камсыздоого жана энергетика секторунун финансылык абалын бекемдөөгө жана аны туруктуу өнүгүү жолуна алып чыгууга мүмкүндүк берет, бул сектордогу компаниялардын финансылык абалын жана кредиттик жөндөмдүүлүгүн жакшыртууга өбөлгө түзөт. Долбоордун жалпы суммасы-5 млн АКШ доллары, анын ичинен: насыя – 3 млн АКШ доллары, грант – 2 млн АКШ доллары. Насыянын мөөнөтү-50 жыл, жеңилдетилген мөөнөт – 10 жыл, пайыздык чен – 0%", - деди баяндамачы.

Талкуунун жыйынтыгында депутаттар мыйзам долбоорун колдоп, долбоор электр энергиясына болгон муктаждыкты жабууга мүмкүндүк берерин белгилешти.

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди. Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.