Айылдык өндүрүүчүлөргө жеңилдетилген насыялар берилди
АЧК-13 долбоорунун алкагында Кыргызстандын 6 487 айылдык товар өндүрүүчүсүнө жалпы 4 081,22 млн сом суммасына жеңилдетилген насыя берилди. Бул тууралуу Финансы министрлигинин маалымат кызматынан кабарлашты.
Берилген кредиттер төмөнкү тармактар боюнча бөлүштүрүлгөн:
Мал чарбачылык – 3 381,64 млн сом, 5 443 субъектти камтыйт;
Өсүмдүк өстүрүүчүлүк – 441,02 млн сом, 898 субъект;
Сууну үнөмдөөчү технологиялар – 17,00 млн сом, 22 субъект;
Лизинг – 241,56 млн сом, 122 субъект.
Бул каржылоонун максаты айылдык өндүрүштү колдоо, фермерлердин жана ишкерлердин инвестициялык мүмкүнчүлүктөрүн кеңейтүү, ошондой эле айыл чарба жана өнөр жай тармактарын туруктуу өнүктүрүүгө өбөлгө түзүү болуп саналат.
