"Бирдиктүү саламаттык" программасынын алкагында донорлор 30 млн доллардан ашык каражат бөлөт
Донорлор Кыргызстанга 30 млн доллардан ашык каражат бөлөрүн Жогорку Кеңештин эл аралык иштер, коргоо, коопсуздук жана миграция боюнча комитетинин жыйынында суу ресурстары, айыл чарба жана кайра иштетүү өнөр жайы министринин биринчи орун басары Жаныбек Керималиев билдирди.
Маалымат жыйында 2025-жылдын 11-июлунда Бишкек шаарында кол коюлган Кыргыз Республикасы менен Эл аралык өнүктүрүү ассоциациясы / Эл аралык кайра куруу жана өнүктүрүү банкынын ортосундагы "Борбор Азияда пандемиялардын алдын алуу, азык-түлүк системаларынын туруктуулугун жана экосистемалардын саламаттыгын камсыз кылууга багытталган “Бирдиктүү саламаттык” программасынын алкагында Кыргыз Республикасы үчүн 1-фаза" долбоору боюнча Каржылоо макулдашуусун жана Гранттык макулдашууну ратификациялоо жөнүндө мыйзам долбоорун талкуулоо учурунда айтылды.
Анын айтымында, долбоорду ишке ашыруу үчүн 30 млн доллар өлчөмүндө насыя жана 1,79 млн доллар өлчөмүндө грант бөлүнөт.
