Коом

Кыргызстандын бардык туристтик маршруттарында эс алуу бекеттери пайда болот — Телефонду кубаттап, душка түшүп, кофе ичсе болот

Назира Абдиева

20 мая 2022 19:10

Кыргызстандын бардык популярдуу туристтик маршруттарында эс алуу пункттары пайда болот. Бул тууралуу Туризмди өнүктүрүүнү колдоо фондунан билдиришти.

«Илгери саякатчылар Улуу Жибек жолу менен саякаттап жүрүп, Таш-Рабат сыяктуу кербен сарайларга токтоп эс алышкан. Анын заманбап версиялары жакында Кыргызстандын бардык аймактарында пайда болот. Булар нукура, улуу көчмөндөрдүн рухун кылдаттык менен сактаган, жаңы заманбап маанай берген эс алуу жайлары болот», – деп айтылат фонддун билдирүүсүндө.

RestPoint – бул туристтер жана саякатчылар үчүн эс алуу, маалымат алуу жана гаджеттерин заряддоо мүмкүнчүлүгү бар жай. Бул жерде террасада кофе ичип же душка түшүүгө болот. Ар бир RestPoint туристтик интерактивдүү дисплей менен жабдылат, анда саякатчыларга керек болгон маршруттар жана туристтик жерлер, эс алуу зоналары жана жакын жердеги кызыктуу жайлар жөнүндө бардык маалымат камтылат.

Кыргызстанда жалпысынан 68 эс алуу пункту курулат. Алар өлкөнүн бардык аймактарында эң популярдуу жана эң көп туристтик маршруттарда жана шаарлар аралык каттамдарда жайгаштырылат. Алардын ичинен 21 быйыл ачылат.

Бардык эс алуу жайларында душ жана дааратканалар, анын ичинде ден соолугунун мүмкүнчүлүгү чектелген адамдар үчүн атайын жабдылган, намазкана, чакан кофекана, күркө жана заряддоо пункттары болот. RestPoint жыл бою иштей берет. Аларда жылытуу жана ысык суу үчүн күн коллекторлору орнотулат, канализациясы жок жерлерде автономдуу тазалоочу курулуштар курулат.

Долбоорду Туризмди өнүктүрүүнү колдоо фонду ишке ашырууда. Бул анын көптөгөн демилгелеринин бири гана. Башка долбоорлордун арасында Бишкектен «Манас» аэропортуна же Ысык-Көлгө жана кайра артка алып бара турган «Шатл» автобустарын ишке киргизүү пландалган. Ошондой эле Кыргызстан боюнча боз үй глэмпингдер тармагын (ачык жаратылыш койнунда эс алуу үчүн люкс жайлар) түзүү каралууда.

«КРда туризмди өнүктүрүүнү колдоо фонду» ААК түзүү жөнүндө чечимге Министрлер кабинетинин төрагасы Акылбек Жапаров кол койгон жана фонд ички туризм тармагын өнүктүрүүгө багытталган демилгелерди ишке ашыруу менен алектенмекчи. Ошондой эле аталган фонддун директорлук кызматына Ak-Sai Travel компаниясынын жетекчиси Елена Калашникова дайындалган.

Туризмди өнүктүрүү фондуна жыл сайын 1 млрд сомдон каражат бөлүнүп, анын капиталын 5 млрд сомго жеткирүү пландалууда.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”