Ар бир аймакта мамипотекага өзүнчө кезек түзүлөт – МИК
Бишкек шаарында жана аймактарда мамлекеттик ипотеканы алуу үчүн электрондук кезек өзүнчө болот. Бул тууралуу МИКтин ишмердүүлүгү боюнча Еconomist уюштурган жолугушууда мамкомпаниясынын төрагасынын орун басары Амантур Оморов билдирди.
Анын айтымында, компаниянын бардык потенциалдуу кардарлары электрондук кезекти колдонушу керек. Оморов түшүндүргөндөй, МИК борбор калаада көп кабаттуу үйлөрдүн курулушун баштап жатканына байланыштуу кезектер өзүнчө болот.
Андан ары бул программа бүткүл республика боюнча иштей баштайт, аймактардын тургундары үчүн параллелдүү программа иштейт. Ага катышуу үчүн жарандар жашаган шаарын белгилеши керек.
«Бишкекте [кезектерди] аймактардан өзүнчө бөлө баштайбыз. Каттоодо шаар, иштеген жер жана башка жеке маалыматтар көрсөтүлөт», - деп баса белгиледи Оморов.
