Бишкекте «Авангард Стиль» жана «Кыргыз Каганаттын» имараттарынын жер титирөөгө туруктуулугу текшерилди
Бишкекте курулуп жаткан имараттардын жер титирөөгө туруктуулугун текшерүү боюнча ведомстволор аралык комиссия өз ишин баштады. Бул тууралуу Мамкурулуш билдирди.
Маалыматка ылайык, Бишкектин түштүк бөлүгүндө жайгашкан төмөнкү курулуш объектилерине биринчи көчмө текшерүү жүргүзүлдү:
• Орто-Сай айылындагы контур 5 дарегиндеги «Авангард сити» көп кабаттуу турак жай комплекси жана ага караштуу мектепке чейинки балдар мекемеси, «Авангард Стиль» ЖЧКсы;
• Токомбаев көчөсүндөгү 15/2 дарегиндеги «Елисей талаалары» жер астындагы автопаркинги менен турак жай комплекси, «Авангард Стиль» ЖЧКсы;
• Токомбаев көчөсү 15 дарегиндеги өз аймагында жер астындагы автопаркинги менен 14-кабаттуу турак жай комплекси, «Кыргыз Каганат» ЖЧКсы.
Комиссия шаар куруу жана архитектура жаатындагы мыйзамдардын сакталышын, уруксат берүүчү документтердин камсыздалганын, курулуш нормаларынын жана эрежелеринин сакталышын, курулуш-монтаждоо иштеринин долбоорго ылайыктуулугун текшерүүнү ишке ашырды, ошондой эле курулуш объекттеринде бетондун бекемдиги текшерилди жана арматуранын долбоордук чечимдерге ылайыктуулугу текшерилди.
Эске салсак, комиссиянын ишинин жыйынтыгы жумуш аяктагандан кийин үч айлык мөөнөттө берилет.
