Нарын облусунун бренддик логотиби иштелип чыкты
Туризм департаменти Нарын облусунун туристтик брендин (брендбук) иштеп чыгууга колдоо көрсөттү. Бул тууралуу мекеменин маалымат кызматы кабарлады.
Логотип региондордо туризмди өнүктүрүү анын дараметин чет элдик туристтерге таанытуу жана жайылтуу максатында иштелип чыкты.
Такталгандай, логотип Нарын облусунун жаратылышын чагылдырган бийик тоолор, анда байыр алган аркар, өлкөдө уникалдуу деп саналган «Таш-Рабат» тарыхый-маданий объектиси, облустун төрт районунун аймагын камтыган айтылуу «Соӊ-Көл» көлү ошондой эле, кыргыздын улуттук-маданий баалуулугу болгон-боз үй, кыргыздын улуттук суусундугу кымыз куя турган идиши – көөкөр чагылдырды.
