Баткендиктердин социалдык төлөмдөрүнө 20%дан кошумча чегерилди
Социалдык жактан колдоо максатында Баткен жана Лейлек районунагы 76 айыл өзгөчө статустагы аймактардын тизмесине киргизилип, анда жашаган жашоочулардын социалдык төлөмдөрүнө 20%дан кошумча чегерүү болгон. Бул тууралуу бүгүн, 20-июндагы Жогорку Кеңештин социалдык саясат боюнча комитетинин отурумунда министрлер кабинетинин төрагасынын орун басары Эдил Байсалов баяндама жасады.
Ал белгилегендей акыркы окуяда жабыркаган жарандардын турак жайы да толугу менен курулуп, пайдаланууга берилгенин кошумчалады.
Эске салсак, буга чейин депутат Дастан Бекешев Баткен облусуна кошумча 178.6 млн сом бөлүнөрүн билдирген. Анын 10.6 млн сому гана жабыр тарткан ишкерлерге жөнөтүлөт. Ал эми президенттин Баткен облусундагы өкүлчүлүгүнө 168 млн сом берилет.
