Оштун мэриясына 20 млн сомдук жер тилкеси кайтарылды
Ош шаарында 20 млн сомдук жер тилкеси муниципалдык менчикке кайтарылды. Бул тууралуу Башкы прокуратурада билдирди.
Маалыматка ылайык, Ош мэриясы 404 чарчы метр жер тилкесин Т.К. аттуу жаранга мыйзамсыз түрдө, аукцион өткөрбөстөн сатып, анын негизинде жеке менчик укугу жөнүндө мамлекеттик актысы берилгендиги аныкталган. Бул Ош шаардык прокуратурасы тарабынан жүргүзүлгөн текшерүүнүн жыйынтыгында аныкталды.
Ош шаардык прокуратурасы тарабынан сот органдарына доо арыз келтирилип, кароонун жыйынтыгы менен толук менен канааттандырылган. Келтирилген прокурордук чара көрүү актысынын негизинде базар баасы 20 млн 200 миң сомдук жер тилкеси муниципалдык менчикке кайтарылды.
