Ысык-Көл менен Соң-Көлдө балыкты өндүрмөлүк кармоого үч жылга мораторий киргизди
Президент Садыр Жапаров «Ысык-Көлдө жана Соң-Көлдө балыкты өндүрмөлүк кармоого мораторий киргизүү жөнүндө» жарлыкка кол койду. Бул тууралуу президенттин администрациясынын маалыматтык саясат кызматы билдирет.
Такталгандай, мамлекеттик балык чарбалык көлмөлөрүндө балык запастарын сактоо жана көбөйтүү максатында, Конституциянын 71-беренесин жана «Аквакультура, балык уулоо жана суу биологиялык ресурстарды коргоо жөнүндө» мыйзамынын 8-беренеси жетекчиликке алынып, токтом кылынат:
Балыкты төмөнкү максаттар үчүн уулоону кошпогондо, Ысык-Көлдө жана Соң-Көлдө жашаган балыктардын бардык түрлөрүн өндүрмөлүк кармоого, ташууга, сатууга, сактоого, сатып алууга жана ташып чыгууга үч жылга убактылуу тыюу салуу (мораторий) жарыялансын:
· ышкыбоздук жана спорттук балык уулоону уюштуруу жана өткөрүү;
· балык запастарын жасалма өндүрүп чыгаруу боюнча бекитилген ар жылдагы пландык иштерди жүргүзүү;
· илимий-изилдөө иш-чараларын жана балык запастарынын абалына ихтиологиялык мониторинг жүргүзүү.
