Алтайдан атайын 35 марал Таластын жаратылыш паркына жеткирилди – долбоорго «Альянс Алтын» жардам берди
2022-жылдын май айында «Альянс Алтын» компаниясынын колдоосу менен Талас облусуна Алтайдан атайын 35 марал алынып келинген. Бул тууралуу компаниянын маалымат кызматы айтып берди.
Долбоорду ишке ашырууг компания 2.5 млн сом каражат бөлгөн. Алар Талас районундагы Беш-Таш мамлекеттик жаратылыш паркына кое берилген.
Учурда маралдар Беш-Таш коругуна ыңгайлашып, өз ара көбөйүп жаткан чагы. Аңсакчы (егерь) Азамат Эсенаалы уулу маралдарга жем берип, аларга көз салып, кам көрүп келет. Анын айтымында, маралдар Талас жергесине келгенден тарта абалы жакшырып, өзгөрүүлөр болгон. Аңсакчы учурда маралдардын төлдөп жатканын, Беш-Таш жайлоосунун төрүндө үйүр-үйүр болуп бөлүнүп жүргөн маралдардын музоолору пайда болгонун жергиликтүү чабандар көрүшкөнүн айтты.
«Альянс Алтын» ишканасы айлана-чөйрөнү коргоого байланышкан иш-чараларга өзгөчө көңүл буруп келет жана маралдарды сатып алуу да компаниянын бул багыттагы иштеринин бири болуп саналат. Эске сала кетсек Талас облусунда маралдар илгери болгон жана алар акыркы жолу 1949-жылы катталган.
