Коом

Бир жарым жылда 6 миң тонна азык-түлүк аз камсыз болгон 170 миң жаранга бөлүштүрүлдү – Эмгек министрлиги

Чынгыз Керимбеков

01 авг. 2023 15:40

Бүгүн, 1-августта 1397 тонна азык-түлүк эмгек, социалдык камсыздоо жана миграция министрлигине өткөрүлүп берилди. Бул тууралуу Эмгек министрлиги билдирди.

Байытылган ун жана өсүмдүк майы Россиянын тарабынан БУУнун Бүткүл дүйнөлүк азык-түлүк программасына коомдук инфраструктураны калыбына келтирүүгө, климаттын өзгөрүшүнүн кесепеттерин жумшартууга жана мектептерде ысык тамак берүүгө жардам берүүчү долбоорлор аркылуу өлкө боюнча аярлуу үй-бүлөлөргө колдоо көрсөтүү үчүн берилген.

"Эмгек, социалдык камсыздоо жана миграция министрлигинин жана БУУ ДАПтын "Эмгек үчүн азык-түлүк " долбоорунун алкагында бир жарым жыл ичинде 985 долбоор ишке ашырылып, ага катышкандыгы үчүн 32 миңден ашуун үй-бүлө (170 миң адам) 6 миң тонна азык-түлүк алышты.

Бул долбоорлор ирригациялык тармактарды жана ичүүчү суу менен камсыздоо системаларын калыбына келтирүүгө; бак-дарактарды отургузууга жана дарыялардын жээктерин бекемдөөгө; айылдык көпүрөлөрдү жана дренаждык тутумдарды курууга; потенциалды бекемдөө жана айыл чарбасын жүргүзүүнүн алдыңкы ыкмаларын киргизүү боюнча тренингдерге багытталган.

Мындан тышкары 79 тонна ун жана өсүмдүк майы улгайган жарандар, чоңдор жана майып балдар жашаган интернаттарга жөнөтүлдү. Бүгүнкү күндө алынган азык-түлүк долбоорлорго катышуу үчүн 5200 аз камсыз болгон үй-бүлөгө берилет. Бул 26000 адам.

Үй-бүлөлөргө 300 кг байытылган буудай уну жана 30 литр өсүмдүк майы берилет. Тренингдин катышуучуларына 150 кг байытылган буудай уну жана 15 литр өсүмдүк майы берилет", - деди эмгек, социалдык камсыздоо жана миграция министри Кудайберген Базарбаев.

Россия Федерациясы БУУ ДАПтын Кыргыз Республикасындагы эң ири донору болуп саналат. Акыркы 10 жылдан бери Россия өкмөтү БУУ ДАП аркылуу КРнын жарандарына чукул жардамдан жана калыбына келтирүүдөн баштап, Өнүгүү жана социалдык коргоого чейин ар кандай деңгээлде колдоо көрсөтүп келет.

Мындан тышкары окуңуз

Мал чарбасын экспорттоочулар үчүн кошумча салык 20%дан 3 % чейин төмөндөйбү?

Мал чарба тармагындагы экспорттоочулар үчүн кошумча эсептелген салыктын өлчөмү 20%дан 3 % чейин төмөндөтүлөт. Мындай билдирүүнү Мамлекеттик салык кызматынын төрагасы Алмамбет Шыкмаматов бүгүн, Жалал-Абад, Ош жана Баткен облустарынан келген мал чарба тармагындагы экспорттоочулар жана фермерлер менен жолугушууда билдирди. Аталган мекеменин басма сөз кызматынын маалыматына караганда, жолугушуунун жүрүшүндө чет өлкөгө мал

Индияда бензин, дизель тартыштыгынан эл дүрбөлөңгө түштү

Индияда эл арасында дүрбөлөң чыгып, адамдар бензин жана дизелди көп камдап алуу үчүн массалык түрдө май куюучу жайларга агылууда. Өлкөнүн бир нече штатында күйүүчү майдын кору түгөнүп калганы айтылууда. Ал эми өкмөт күйүүчү май жетишсиздиги жок экенин билдирүүдө. Расмий маалыматка ылайык, май куюучу жайлардагы тартыштык дал ушул дүрбөлөңдөн жана суроо-талаптын

Айылдарды өнүктүрүүгө 26 млн сомго чейинки гранттар бөлүнөт

Коомдоштуктардын демилгеси менен ишке ашырылып жаткан улуттук долбоордун алкагында айыл аймактарында экономикалык объекттерди ишке ашыруу үчүн тандоо жыйыны өттү. Тандоо комиссиясынын курамына Экономика жана коммерция министрлигинин, Мамлекеттик кызмат жана жергиликтүү өз алдынча башкаруу агенттигинин, АРИСтин, Борбордук Азиядагы Жергиликтүү башкаруу академиясынын жана "Бир айыл — бир продукт" коомдук бирикмесинин өкүлдөрү

Бишкекте 7-класстын окуучусу Си программалоо тилинин кыргызча адаптациясын сунуштаганын

Бишкек шаарында 7-класстын окуучусу, 14 жаштагы Давид Пузиков өзүнүн Kyrgyz-C деп аталган Си программалоо тилинин кыргызча адаптациясын сунуштаганын "kaktusmedia" жазды. Автордун айтымында, бул долбоор англис тилин жетиштүү деңгээлде билбеген окуучулар үчүн программалоону үйрөнүүнү жеңилдетүүгө багытталган. Kyrgyz-C — бул Си тилинин негизги ачкыч сөздөрүн кыргызчага которуу менен, тилдин логикасын сактап