Жогорку Кеңештин депутаты Шайлообек Атазов Транспорт министрлигинен «Дордойдун» жанындагы айланма жолду соода түйүндөрүнөн тазалоону талап кылууда. Бул тууралуу «Мекенчил» парламенттик фракциясынын жыйынында билдирди.

Эл өкүлүнүн айтымында, ага «Ак-Бата» жана «Эне-Сай» аймактарынын жашоочуларынан көп арыздар түшүүдө.

«Дордой» базары аркылуу өтүп, Ысык-Көлгө кетүүчү трасса Транспорт министрлигинин жолубу же көмүр, таш базары болуп калдыбы? Жолду качан тазалайсыз? – деп сурады Атазов.

Министр Тилек Текебаевдин айтымында, 200 соода объектине тиешелүү көрсөтмөлөр берилди. Азыр ведомство аларды алып салууга уруксат берүүчү документтерди күтүп жатат.