Коом

Кыргызстан менен Латвия эл аралык автомобилдик ташуулар маселелерин талкуулашты

Чынгыз Керимбеков

20 сент. 2023 15:00

Транспорт жана коммуникациялар министрлигинин өкүлдөрү Латвиянын Байланыш министрлиги менен автотранспорт маселелери талкуулашты. Бул тууралуу мекеме билдирди.

Такталгандай, 1997-жылдын 11-апрелинде Бишкек шаарында кол коюлган Эл аралык автомобилдик байланыш жөнүндө КРнын өкмөтү менен Латвиянын өкмөтүнүн ортосундагы макулдашуунун алкагында эл аралык автомобилдик ташуулар маселелери боюнча эки өлкөнүн аралаш комиссиясынын отуруму болуп өттү.

Отурумда тараптар Кыргыз Республикасы менен Латвия Республикасынын ортосунда 2022-жылдын жана 2023-жылдын 8 айынын аралыгында автомобиль транспорту менен эл аралык жүк ташуулардын абалы жана өнүгүүсү тууралуу маалымат алмашышты.

Талкуунун жүрүшүндө тараптар 2022-2023-жылдар аралыгында эки тараптуу жана транзиттик багытта, ошондой эле үчүнчү өлкөлөргө карай жүк ташууга уруксат бланктарын колдонуу менен эки өлкөнүн ортосунда автомобиль транспорту менен жүк ташуулардын көлөмү жогорулагандыгын белгилешти.

Кыргыз тарап эки тараптуу жана транзиттик багытта жүк ташуунун өсүшүн эске алуу менен аралаш комиссиянын кароосуна «Кыргыз Республикасы менен Латвия Республикасынын ортосунда автомобиль транспорту менен эки тараптуу жана транзиттик жүк ташууга уруксат берүү системасын жокко чыгаруу жөнүндө колдонуудагы макулдашууга өзгөртүүлөрдү киргизүү жолу менен жүктөрдү эки тараптуу жана транзиттик ташууларды либералдаштыруу жөнүндө Протоколдун» долбоорун киргизди.

Сүйлөшүүлөр жылуу маанайда, конструктивдүү жагдайда жыйынтыкталды. Тараптар автомобилдик ташуулар жаатындагы эки тараптуу маселелерди бетме-бет жана онлайн форматта талкуулоону, ошондой эле 2024-жылы Кыргызстан-Латвия аралаш комиссиясынын кезектеги жыйынын Латвия Республикасында өткөрүүнү макулдашышты.

Мындан тышкары окуңуз

Бишкекте 400гө жакын лифттин кызмат мөөнөтү эбак өтүп кеткен – Р.Алиев

Бишкек шаардык кеңешинин турак жай-коммуналдык чарба, отун-энергетикалык комплекс, транспорт, коммуникациялар жана экология боюнча туруктуу комиссиясы 8-апрелде Аламедин-1 кичи районундагы кооперативдердин өкүлдөрүнүн кайрылуусун карады. Кайрылуу көп кабаттуу үйлөрдөгү лифт жабдууларынын абдан эскиришине байланыштуу болгон. 10 үйдүн кызыкчылыгын коргогон Татьяна Горкинанын айтымында, 1979-жылы пайдаланууга берилген үйлөрдөгү лифттер 25 жылдык нормативдик мөөнөтүнө карабастан,

“Манас Ордо” реконструкциядан кийин күнүнө 10 миңге чейин конок кабыл алат

Талас облусундагы “Манас Ордо” улуттук комплексинде реконструкция жана курулуш иштери активдүү уланууда. Бул тууралуу өкүлчүлүктөн билдиришти. Маалыматка ылайык, облус башчысы Эрмат Жумаев курулуш иштеринин жүрүшүнө көзөмөл жүргүзүп, сапатка өзгөчө көңүл буруу жана иштерди ыкчамдатуу зарылдыгын белгиледи. Учурда “Манас Ордо” комплексинин жалпы аянты 225 гектарды түзөт. Жаңы долбоорго ылайык, музейдин аянты

Кыргызстанда жетимдерге 88 жер тилкеси, 9 турак жай берилген

Кыргызстанда жетим балдардын олуттуу бөлүгү мыйзам талаптарына карабастан турак жайсыз калып жатканын Салтанат Аманова 8-апрелде Жогорку Кеңештин жыйынында билдирди. Анын айтымында, Турак жай кодексине ылайык, 16 жаштан 23 жашка чейинки жетимдер турак жай же жер тилкелери менен камсыз болушу керек. Бирок иш жүзүндө бул нормалар жетиштүү деңгээлде аткарылбай жатат. "

Башкы прокуратура бир жылда бизнес укуктары боюнча 577 мыйзам бузуу аныктап, 2 кылмыш ишин козгогон

Башкы прокурор Максат Асаналиев 2026-жылдын 8-апрелинде Жогорку Кеңештин пленардык жыйынында 2025-жылга карата ишкерлердин укуктарын коргоо боюнча жүргүзүлгөн иштердин жыйынтыгын билдирди. Анын айтымында, отчеттук мезгилде прокуратура органдары бизнес укуктарын сактоо боюнча 233 текшерүү жүргүзгөн. Натыйжада 577 мыйзам бузуу аныкталган. Аларды жоюу үчүн 347 прокурордук чара көрүү актылары киргизилген. Жыйынтыгында 136 кызмат